നഷ്ടമാകുന്നെനിക്കിന്നെന്‍റെ ജീവിതം
നഷ്ടപ്പെടുന്നെനിക്കെന്‍റെ സ്വത്വം
അന്യമായ് തീരുന്നു ആകാശനീലിമ
അറിയാതെ പോകുന്നു തോട്ടയല്‍ക്കാര്‍...
കത്തുന്നു ആകാശം, കത്തുന്നു ഭൂമിയെന്‍-
ചുറ്റിലും കത്തുന്നു പച്ച ജീവന്‍
ചിതറിത്തെറിച്ചു കിടക്കുന്നു ചുറ്റിനും
മാനുഷര്‍ കഷണങ്ങള്‍ കഷണങ്ങളായ്
കരിയുന്ന മാംസത്തിന്‍ ഗന്ധം വഹിക്കുന്ന
കാറ്റിന്റെ ഭാവവും രാക്ഷ്സീയം
ഒരു കയ്യിലന്നവും മറുകയ്യിലായുധവു-
മേന്തിപ്പറക്കുന്നു ശാന്തിദൂതര്‍...
എന്‍റെ നാടെന്നുറക്കെ പറയുവാന്‍
വെമ്പുന്ന നെഞ്ചു പിളര്‍ക്കുന്നു കൊള്ളിയാന്‍
വെമ്പുന്ന നെഞ്ചു പിളര്‍ക്കുന്നു കൊള്ളിയാന്‍
കാലടിചോട്ടിലെ മണ്ണൂര്‍ന്നു പോകവേ
കാരാഗൃഹങ്ങളില്‍ സ്വപ്‌നങ്ങള്‍ തേങ്ങവേ
പൂവിന്‍റെ ഹൃദയം കരിഞ്ഞുണങ്ങീടവേ
പുഴകള്‍ മാറിലിന്നഗ്നിയുരുകവേ
നൊമ്പരപ്പൂവിന്നു നെഞ്ചോടടുക്കിയെന്‍
സംസ്കാര സ്മൃതികളും തോളിലേന്തി
യാത്ര പറഞ്ഞു പിരിയുവാനാവാതെ
തറവാട്ടുകെട്ടില്‍ വിതുമ്പി നില്‍ക്കെ
ജന്മജന്മാന്തര ബന്ധത്തിന്‍ കണ്ണികള്‍
പിന്‍വിളി വിളിക്കുന്ന പോലെ
പലായനം മഹാത്മാര്‍ഗവും ചൂണ്ടിയാ
വിശ്വരക്ഷകര്‍ മുന്നില്‍ ചിരിച്ചു നില്‍ക്കുമ്പോള്‍
ഇടറിത്തകര്‍നങ്ങു വീണു മറഞ്ഞുവെന്‍
ഇടനെഞ്ചിന്‍ പിന്‍ വിളികളുള്ളില്‍....
ഇഷ്ടം..ഇഷ്ടം.. എനിക്കിഷ്ടം.. ഇഷ്ടം...
ഞാന്‍ ...... എന്നെ കുറിച്ച്......
- അമ്മാളു
- പുസ്തകങ്ങള് മാത്രം കൂട്ടുകാരായിരുന്ന ബാല്യം മുതല് കയ്യില് കിട്ടുന്നതെന്തും വായിക്കാന് പഠിപ്പിച്ചത് അച്ഛന്. അക്ഷരങ്ങളെ പ്രണയിക്കുന്ന മനസ്സോടെ വളരാന് കഴിഞ്ഞത് എന്‍റെ പുണ്യമായി കരുതുന്നു. സ്വന്തം മനോരാജ്യങ്ങളില് രാപകല് ഭേദമെന്യ വിഹരിക്കാന് ഇഷ്ടപ്പെടുന്ന, ഏകാന്തതയെ പ്രണയിക്കുകയും ഒപ്പം തന്നെ ചിലപ്പോളെല്ലാം വെറുക്കുകയും ചെയ്യുന്ന, എവിടെനിന്നും ഒഴിഞ്ഞു മാറാന് ശ്രമിക്കുന്ന, ഒരിക്കലും അതിന് സാധിക്കാത്ത, ഒരുപാടു സുഹൃത്തുക്കളുണ്ടായിട്ടും ചിലപ്പോഴൊക്കെ അവരില് നിന്നും വേറിട്ട മനസുമായി എവിടേക്കോ പോകുന്ന, നഷ്ടങ്ങളില് വേദനിക്കാന് ശ്രമിക്കാത്ത, നേട്ടങ്ങളില് അധികം സന്തോഷിക്കാന് ശ്രമിക്കാത്ത, അക്ഷരങ്ങളെ ആത്മാവായി കരുതുന്ന അക്ഷരങ്ങളുടെ കൂട്ടുകാരി...ഈ ജീവിതം മുഴുവന് യാത്രകള് ചെയ്യാന് ഇഷ്ടം...എല്ലാരേയും ചിരിയോടെ കാണാന് ഇഷ്ടം...വാരാന്ത്യങ്ങളില് വീട്ടിലെത്തുമ്പോള് ചിലുചിലെ സംസാരിക്കുന്ന പഴയ കുട്ടിയാവാന് ഇഷ്ടം..അടുത്ത അമ്പലത്തിലെ ശ്രീലകത്ത്തെ കൃഷ്ണനെ നോക്കി നോക്കിയിരിക്കാന്,നോക്കി ചിരിക്കാന് ഇഷ്ടം...ഭക്തി നിറയുന്ന മനസ്സുമായി ചോറ്റാനിക്കര ദേവിയെ തൊഴാനിഷ്ടം ...ഞങ്ങളുടെ സര്പ്പക്കാവില് അന്തിതിരിതെളിയിക്കാനിഷ്ടം ..... രാവിലെ അമ്പലത്തില് പോകുമ്പോള് തോട്ടുവക്കത്തെ ചിറ്റാടയോടും വയലേലകളോടും കിളികളോടും കാറ്റിനോടും കിന്നാരം പറയാനിഷ്ടം ...
No comments:
Post a Comment